Dermatologiya— kliniki təbabətin, dərinin strukturunu və funksiyalarını normada və patologiyada öyrənən, həmçinin dəri xəstəliklərinin müalicəsi və profilaktikası ilə məşğul olan sahəsidir.
Dəri xəstəlikləri çox geniş yayılıb. Dəri əlamətləri bir çox daxili xəstəliklərdə olur. Müasir dövrdə dərini günəş ləkələrinə və ekoloji çirkliyə qarşı qorumaq olduqca asandır.
Dərinin hansı rəngdə olmasından asılı olmayaraq üz dərisində quruluq əlamətləri olduğu zaman ilk növbədə dərini nəmləndirmək məsləhətdir.
Günəş ləkələri, toz və çirk dərinin quru və solğun görünməsinə səbəb olur. Bunlar dəridə zamanla sızanaqlara da gətirib çıxarır. Bu kimi dəri problemlərinin qarşısını almaq üçün losyonlardan və lazım olan gözəllik prosedurlarından əlavə yağlı nəmləndiricilərdən, dəri gözəlliyinə faydası olan meyvə-tərəvəzlərdən, çoxlu mayedən istifadə etmək lazımdır.
Dəri xəstəliklərini yaradan səbəblər çoxdur:
Bunlar həmdə müxtəlif virus və infeksiyalar, həmçinin daxili orqanların 
xəstəlikləri ola bilər. Yüksək ixtisaslı həkim-dermatoloqlar sizin bu probleminizin həllinə kömək edəcək, zəruri müayinələr və rasional müalicə təyin edəcək. Dəri xəstəliklərinin terapiyasında hər pasientə fərdi yanaşma, anamnezin dəqiq yığılması və gündəlik həyatın bütün xüsusiyyətlərinin nəzərə alınması vacibdir. Bu cür həkim strategiyası optimaldır və təkcə dermatoloji aspektdə diaqnostik alqoritmin qorunmasına deyil, həm də çox vaxt başqa yanaşı gedən xəstəlikləri latent fazada, yəni xəstəliyin dönməz xarakter aldığı məqamdan çox əvvəl aşkar etməyə imkan verir. Dermatoloji patologiyanın müalicəsi medikamentoz, yerli, fizioterapevtik, ümumi bərkidici, müasir üsulların aktiv cəlb olunması ilə təyin olunur.
Akne Vulgaris — yeniyetmə civzələri, dəri piy vəzlərinin irinli iltihabı ilə xarakterizə olunan, xroniki, tez-tez residivləşən xəstəlikdir. Akne, orqanizmdə androgenlərin balansının pozulması və piy ifrazının çoxalması nəticəsində əmələ gəlir. Dəri piy vəzilərinin axarları dəri piyi ilə qapanır və qara civzələr-komedonlar yaranır. Əksər xəstəliklər 15-18 yaşında əmələ gəlir ki, bu da cinsi yetişkənliklə əlaqədardır. Lakin əlverişsiz amillərin təsiri nəticəsində istənilən yaşda yarana bilər. Aknenin yaranmasına irsi meyil, daxili sekresiya vəzlərinin funksiyasının pozulması, həzm sisteminin pozulması, hipovitaminoz, qeyri rasional qidalanma (çoxlu yağlı, karbohidratlı yemək qəbulu) zəmin yaradır.
Aknenin müalicəsi:
Müalicə kompleks şəkildə həyata keçirilir. Xəstəliyin diaqnostikası kliniki əlamətlər əsasında aparılır və adətən çətinlik təşkil etmir. Aknenin profilaktikası vaxtında yağlı seboreyanın aşkarlanması və müalicəsi, həmçinin dərinin gigiyenik vəziyyətdə saxlanılmasıdır.
Dərinizdə akne, ekzema, psoriaz, dəri infeksiyaları, saç, dırnaq xəstəlikləri və dəridə meydana gələn digər estetik problemləriniz yaranıbsa mütləq həkim — dermatoloqa müraciət edin.
Dermatologiya şöbəsi iki bölmə üzrə xidmət göstərir:
Tez-tez rast gəlinən dermatoloji xəstəliklərin müalicəsi:
- Dəri infeksiyaları
- Dəridə göbələk xəstəlikləri
- Piy vəzi xəstəlikləri (sızanaq, yağlı dərinin xəstəlikləri)
- Allergik dəri xəstəlikləri
- Qırmızı qurd eşənəyi
- Psoriaz
- Vitiligo
- Dəri törəmələri
- Saç xəstəlikləri
- Dırnaq xəstəlikləri
- Aşırı tərləmə
Estetik — kosmetik dermatoloji xidmətlər:
- Botoks
- Dolgu
- Mezoterapiya (saç, üz)
- Biorevitalizasiya
- PRP müalicəsi
- Pilinq
- Ləkə müalicəsi
- Lazer müalicələri
Aphrodite Fraksional CO2 Lazer cihazı: (şəkil avropa istehsalı)
Starlab Tibb Mərkəzinin dermatologiya şöbəsində Aphrodite Lazer cihazı vasitəsi ilə tam şəkildə aknedən xilas ola bilərsiniz. 3-5 prosedur keçdikdən sonra tam nəticə əldə etmək olur.
Yaşlanma ilə əlaqədar meydana gələn incə qırışlar, üzdəki sallaqlıq, dəri ləkələri, dərinin solğun cansız görüntüsü fraksional lazer tətbiqi ilə qısa müddətdə müalicə edilir. Dəridə lazer prosedurundan sonra canlı, parlaq, gənc bir görüntü ortaya çıxır. Lazer prosedurunun davamlı olaraq edilməsi ilə dərinin bu sağlam görüntüsü daimi qalır. Hətta bu cihaz vasitəsi ilə xallar, ziyillər, papillomalar aradan qaldırılır. Təqdim olunan intim cavanlaşma proseduru sağlam və özgüvənli qadın obrazını yaratmaq, daima cavan və istəkli olmaq arzusunu reallaşdırmaq üçün yaranıb. Bu prosedurla doğuşdan sonra cinsi həyatda baş verən diskomfort və problemlər, sidikqaçırma kimi xoşagəlməz hallar aradan qaldırılır. Bundan başqa klimaks dövründə baş verən funksional və vizual dəyişikliklərin estetik və tibbi baxımdan müalicəsi aparılır.
Qeyd edək ki, bütün prosedurlar yüksək səviyyədə, steril formada təcrübəli və peşəkar mütəxəssislər tərəfindən həyata keçirilir.